Чаллыда кайбер йортларга кайнар су бирелде

11 майда Чаллының иске өлешендә: ГЭС, Сидоровка, ЗЯБ бистәсендә җылылык челтәрләрен сынау максатыннан опрессовкалау башланды. Беренче этапта 322 йорт кайнар сусыз калды. Аларның 93е кайнар су кушуга рөхстәт алды инде. 

«15 майда Мәләкәс аръягының 27нче, ГЭС бистәсенең 6,8нче (өлешчә), Сидоровка бистәсенең (С 12/01, 02, 03, С 43) йортларына кайнар су бирелде», – дип хәбәр итте «Татэнерго» АҖ филиалы «Яр Чаллы җылылык челтәрләре» предприятиесенең матбугат хезмәте. 

Кичә шулай ук Мәләкәс аръягындагы 20, 22нче һәм 21нче микрорайнның кайбер йортлары да кайнар сулы булды. Гидравлик сынаулар вакытында торбаларга зыян килүнең 12 очрагы ачыкланды. Төзекләндерү эшләре дәвам итә. 

Фото/  pixabay.com