Чаллыда көрәш буенча Татарстан беренчелеге уза

Чаллының «Витязь» спорт мәктәбендә көрәш буенча «Татарстан яшьләре» газетасы призларына 17-18 яшьлек егетләр арасында Татарстан беренчелеге уза. 
Кичә, 15нче январьда катнашучыларның авырлыгын үлчәделәр, жирәбә салдылар. Бүген төп ярышлар башланды. Биредә 38 команда, 273 спортчы катнаша. Чаллы данын 3 команда яклый. Тренерлар белдерүенчә, төп көндәшләр – Әлмәт, Казан командалары. Ярышларда Чаллының иң көчле көрәшчеләре катнаша. 17 январьда ярышларның финал өлеше узачак, җиңүчеләрне бүләклиячәкләр. Алар Россия беренчелегендә катнашачак. 

Гүзәл Шиһапова