Чаллыда күренекле тренер вафат булды

Чаллының спорт өлкәсенә кайгы килде. «Юность» яшүсмерләр клубы тренеры Виктор Дюжиков вафат булды. 

Хезмәттәшләре әйтүенчә, Виктор Николаевич күптәннән авырган, әмма беркайчан да сәламәтлегеннән зарланмаган. 

«Талантлы тренер бөтен гомерен яраткан һөнәренә багышлады. Балаларны футбол һәм хоккей уйнарга өйрәтте. Андый професисоналлар күп түгел. Ул бик күп спорт команадалары формалаштырды», – ди хакимиятнең спорт идарәсенең элеккеге башлыгы Наталья Безрукова. 

В. Н. Дюжиков белән хушлашу бүген 10 сәгатьтә яңа шәһәрнең 30нчы комплексындагы «Юность» хоккей корты янында була.

Мәрхүмне Чаллы зиратында җирлиләр. 

Фото ТР футбол федерациясеннән алынды.