Чаллыда машина эмблемаларын куптарып йөрүче кызларны эзлиләр

"Иртәнге сәгать 4тә ике кыз машина эмблемаларын һәм язуларын куптарып йөри. Күп кенә автомобильгә зыян салынды. Иртән торуга менә шундый сюрприз ясадылар", - дип язып чыкты социаль челтәрләрдә зыян күрүчеләрнең берсе. 

Әлеге вакыйга Яшь Ленинчылар бульварында, 26-27 комплексларда була. 2 яшүсмер кызның кеше машиналарына зыян салган чаклары видеокамерага эләгә. Хәзерге вакытта тикшерү бара. Хокук сакчылары кызларны эзли.