Чаллыда мебель цехы янды

Янгын Минзәлә тракты урамында урнашкан "Кольцо" гараж-куллану кооперативында чыга. Коткаручылар килеп җиткәндә, янгын 180 кв.м. мәйданлы мебель цехын һәм икенче каттагы 72 кв.метрлы бүлмәләрне чолгап алган була. Янгынны тиз сүндерүгә ирешәләр. Зыян күрүчеләр юк. Хәзерге вакытта фаҗига сәбәпләре ачыклана. МЧС хәбәр итүенчә, янгын чыгуга ягулык мичләрен эксплуатацияләү кагыйдәләрен бозу сәбәпче булуы ихтимал.

Фото ТР Гадәттән тыш хәлләр министрлыгыннан алынды