Чаллыда очсызга күлмәк сатучыны тоттылар

Чаллыда Интернет аша алдаучы мошенник хатынны тоттылар. Ул “МIА” хатын-кызлар киеме кибете исеменнән гүзәл затларга күлмәкләрнең 500 сумга гына сатылуы турында хәбәрләр җибәрә. Шәһәрдәшнең берсе ышана. 11 кием сайлый. Картасына алдан 7 мең 650 сум күчереп куя. Тик вәгъдә ителгән очсыз күлмәкләр килеп ирешми.  

Кеше алдап, акча үзләштерүче хатын-кызны Чаллы судында “Мошенниклык” маддәсе буенча хөкем иттеләр. Ул үз гаебен танымады. Аңа 120 сәгатьлек мәҗбүри эшләр билгеләнде. Моннан тыш, үзләштергән акчаны да хуҗасына кайтарасы булачак. 

Фото freepik.com сайтыннан алынды