Чаллыда өмәдә 3 меңгә якын кеше катнашты

Чаллыда гомумшәһәр өмәсе үтте. Анда барлыгы 3000гә якын кеше катнашты.

Хакимият хезмәткәрләре, район хакимиятләре вәкилләре, идарә итү компанияләре, предприятие хезмәткәрләре, студентлар проспектларны, парк, скверларны корыган яфраклардан, чүп-чардан арындырдылар.

130 куб метрдан артык чүп чыгарылды.

Өмәгә кадәр "ПАД" хезмәткәрләре тукталыш павильоннарын юдылар.

Чаллы ТЭЦыннан 60 кеше 59нчы бистәдәге территорияне тәртипкә китерде. 

Чаллыбызны чистарту, яшелләндерү эшләре дәвам итә.

1 май бәйрәменә узган еллардагы кебек Чаллыбыз чиста һәм матур булачак.

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).