Чаллыда пассажир автобусына ут капты

Бүген Чаллыда күп кеше сыйдырышлы маршрут автобусына ут капты. Гадәттән тыш хәл көндез Вахитов проспектында булды. 

Шаһитлар сүзләренә караганда транспорт чарасы барган җиреннән яна башлый. Башта көчле тавыш ишетелә, аннары автобусны кара төтен биләп ала. 

Бәхеткә фаҗигадә берәү дә зыян күрми. Йөртүче пассажирларны тиз арада ишекләрне ачып, чыгарырга өлгерә. Вакыйга урынына янгын сүндерүчеләр килә. 

Әлеге автобус өчен җаваплы "Горкоммунхоз" оешмасы белгечләре сүзләренә караганда, хәзерге вакытты янгынга китерүче сәбәпләр ачыклана. Транспорт чарасы 26нчы маршрут буенча хәрәкәт иткән була. Ул тулысынча диярлек янып бетә. Аның бары тимер каркасы гына кала.