Чаллыда «проездной»лар кайсы кибетләрдә сатылачак?

1 февральдән Чаллыда лимитсыз "проездной"лар гамәлгә керә. Аларны январь азагында сата башлаячаклар. Бу хакта башкарма комитет җитәкчесе Фәрид Сәлахов хәбәр итте. 

«Юл билетларын «Впрок» һәм «Циркуль» кибетләрендә сатып алып була. Барлыгы 85 ноктада сатачаклар», – диде ул.

Исегезгә төшерәбез, автобусларда һәм трамвайларда йөрү өчен бер айлык лимитсыз билет бәясе 2400 сум булачак. Трамвайда гына йөрүчеләр өчен лимитсыз билетлар 1600 сум торачак. Шулай ук чикле, 50 тапкыр йөрү өчен каралган билетлар да бар. Алар белән автобусларда да, трамвайларда да йөреп була. Бәясе - 1800 сум.