Чаллыда күренекле шагыйрә вафат

Чаллыда шагыйрә, рәссам, шәһәр гимны авторы  Людмила Дорженковская вафат булган. ган. Ул ике ел яман шеш белән көрәшкән. Бу хакта Россиянең атказанган мәдәният хезмәткәре Рашат Фәйзерахманов хәбәр итте.

– Кызганыч, шәһәребезнең танылган язучыларыбызның берсе арабыздан китеп барды. Ул Чаллыда бик матур әдәби кичәләр оештырды, әсәрләр иҗат итте. КАМАЗ китапханәсендә төрле очрашулар үткәрде, – диде ул «Шәһри Чаллы» газетасы журналистына. 

Людмила Дорженковская Литвада туып-үскән. Алабуга дәүләт педагогия институтының филология факультетын тәмамлаган, гомере буе Чаллыда яшәп иҗат иткән.

Шагыйрәне 10 августта 11 сәгатьтә «Энергетик» мәдәният йортыннан соңгы юлга озаталар.