Чаллыда «Сихерче»не күрсәтәчәкләр
Чаллы татар дәүләт драма театры премьера спектаклен 3 көн рәттән куячак.
Аяз Гыйләҗев исемендәге Чаллы татар дәүләт драма театры сезонны "Диләфрүзгә 4 кияү", "Ак калфак" спектакльләре белән башлап җибәрде. Чиратта - Нәбирә Гыйматдинованың повесте буенча "Сихерче" спектакле.
"Әлеге спектакль халык уеннары, җырлар белән сугарылган. Анда без белеп бетерми торган гореф-гадәтләр чагылачак. Гомумән, безнең премьера спектакльләребез Республикада игълан ителгән Милли мәдәниятләр һәм гореф-гадәтләр елы алшартларына туры килә", - ди театрның сәнгать җитәкчесе Олег Кинҗәгулов.
"Сихерче" спектакле 8-10 декабрьләрдә куелачак. Исегезгә төшерәбез, анда яшь артист Алсу Сәгыйдуллина уйный.
Чаллы татар дәүләт драма театрына 4 яшь артист килүе турында монда язган идек.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев