Чаллыда тагын юл ябыла

"Татэнерго АҖ филиалы Яр Чаллы җылылык челтәрләре" предприятиесе мөһим хәбәр җиткерде. 

Яр Чаллы проспектындагы юл астындагы магистраль җылылык челтәрләрен реконструкцияләүгә бәйле эшләр башкару сәбәпле, "Дом обуви" тукталышыннан ГЭС поселогына табан юлның бер өлеше ябыла. Хәрәкәт 19 июль 19 сәгатьтән башлап 21 июль киченә кадәр чикләнә.

Юл ябу схемасы ГАИ белән килешенгән. 

Җылылык челтәрләре предприятиесе машина йөртүчеләрне игътибарлы булырга, вакытлыча куелган юл билгеләре буенча йөрергә чакыра.