Шәһәр судында гаепләнүчегә хөкем карары чыгардылар.
Фаҗига узган ел ГЭС бистәсендә була. Ир-ат һәм аның телефонын урлаган күршесе арасында тавыш чыгып китә. Телефон хуҗасы аны каты итеп кыйный. Зыян күрүче ир-атка табиблар чакырталар, әмма гомерен саклап кала алмыйлар. Ул шәһәр хастаханәсендә җан бирә.
Моннан берничә ай элек тулай торакта да гаепләнүче ир-ат күрше хатынына балта белән ташланган була. Аның башын яру һәм аяк тезләрен сугып сындыру белән яный. Хөкем чыгарганда бу очракны да исәпкә алдылар.
Саксызлык нәтиҗәсендә кеше үтерүдә гаепләнүче ир-атны 7 ел ярымга ирегеннән мәхрүм иттеләр. Ул катгый режимлы төзәтү колониясендә утырачак. Хөкем карары әлегә үз көченә кермәде.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев