Чаллыда Халыклар бердәмлеге көнен билгеләп үттеләр

Бүген "Ватан-Ана" мемориаль комплексы янында халыклар бердәмлегенә багышланган тантана булды.

Анда ТР Дәүләт һәм шәһәр Советы депутатлары, студентлар, активистлар, мәктәп укучылары, иҗтимагый хәрәкәт вәкилләре катнашты.

Шәһәрдәшләрне Башкарма комитет җитәкчесе Фәрид Сәлахов котлады.

- Чулман буендагы кечкенә генә шәһәргә 80нән артык милләт вәкиле килеп, иңне-иңгә куеп, бердәм булып биредә "КАМАЗ" заводлары комплексы, Чаллыны төзү өчен эшләделәр.

Беренче төзүчеләр салган традицияләр буенча без Чаллыда дус, тату яшибез. Киләчәктә дә шулай яшик, - диде ул.