Чаллыдан 350 мигрантны үз илләренә куып кайтарганнар

Чит ил гражданнарының хокукый статусын законлаштыру буенча РФ Президентының узган ел кабул ителгән Указы гамәлгә керде. Апрель ахырына кадәр мигрантлар гаризалар тапшырырга тиеш. 2 ай үтте. Мигрантлар ашыкмый, ди хокук сакчылары. Бары тик 12 мигрант кына гариза тапшырган. 

«Ел да 2,5 мең хокук бозулар ачыклыйбыз. Шул исәпптән, мигрантларның шәһәрдә тору режимы буенча да. Узган ел 350 кешене үз илләренә кире җибәрдек», – дип белдерде Эчке эшләр идарәсенең миграция бүлеге башлыгы Сергей Викулов. 

Чит ил гражданнары хокукый статус алу өчен миграция хезмәтенә мөрәҗәгать итәргә тиеш. Административ җаваплылыкка тартылмаган, илгә вакытлыча керү рөхсәте булса яки гражданлык бирүдән баш тартуның башка сәбәпләре булмаса, аның документлары тиз каралачак. Моннан соң мигрант медицина тикшерүенә җибәрелә. 

«Аңардан биометрик мәгълүматлар алына. Шулай ук мигрант бурычы булмавы турында салым инспекциясеннән белешмә алырга тиеш. Шуннан соң гына чит ил кешесе РФ территориясендә законлы рәвештә торуы турында рәсми документ алачак», – диде Сергей Викулов.