Чаллыга яшенле яңгырлар килә

29 май, чәршәмбе көнне Татарстанда һава торышы бозылачак. Көндез яшенле яңгырлар көтелә. Урыны белән хәтта бозлы яңгыр явып үтәчәк. Җил секундына 15-18 метр тизлектә исәчәк. Шулай да +24..+29 градус җылы булачак, ди синоптиклар. Төнлә +8..+13 градус. 

30, 31 май көннәрендә дә яшенле яңгырлар явып китәчәк. 1,2 июньдә чын җәй башлануын фаразлый гидрометеорология үзәге. Һава торышы +27 градуска җитәчәк.