Чаллылылар турында фильм

Чаллыда СВО га кагылышлы  документаль фильмнар арасында югары бүләкләргә лаек булган «Голос из колыбели» фильмының презентациясе булды. 

Аның Чаллыда узуы очраклы тугел. Фильмның геройлары үз теләкләре белән хәрби операция зонасында волонтерлар булып кешеләргә гомерләрен сакларга булышкан шәһәрдәшләребез.

Сүз  бәрелешләрдән соң җимерелеп калган Лисичанск һәм  Рубежный шәһәрләрендә йортсыз, бернинди яшәү шартларсыз калган кешеләрне ашатырга алынган эшмәкәр Рөстәм Гатин һәм авыру балаларга ярдәм кулы сузган Ася Кислова, аларның дусларының кичерешлэре аша күрсәтелгән чынбарлык- афәт турында. 

Кичәдә фильмның режиссеры Алексей Барыкин җитәкчелегендәге иҗат төркеме дә катнашты. Тамашачылар бу патриотик документаль фильм югары сыйныф укучыларына күрсәтер өчен киң прокатка чыгарга тиеш дип тәкъдим иттеләр.

Фото видеодан скриншот