Чаллының Вахитов проспектында эшләр кайчан тәмамланасын әйттеләр

Чаллының Вахитов проспектында юл төзү эшләре 64%ка башкарылган. Бу хакта МУП ПАД директоры Марат Анисисмов хәбәр итте. Бүгенге көнгә инде биредә яктырткычлар өчен электр линияләре сузганнар. “Глобус”тукталышы янындагы җир асты кичүендә дә эшләр тәмамлану алдында. Әлегә исә эшчеләр төп проспектка һәм эчке юлларга асфальт җәяләр. Барлык эшләрне дә көз җиткәнче тәмамларга уйлыйлар.