Чаллы мэры Җәмигъ мәчетен торгызу идеясенең ничек барлыкка килүе турында сөйләде

«Миңа һәм Башкарма комитет җитәкчесе Ринат Әзһәрович Абдуллинга бу идея узган ел килде. Ул төзелеш белемле кеше буларак, әгәр дә хәзер эшкә алынмасак, элек төзелгән эшләр яраксызга әйләнәчәк, диде. Шуңа күрә без әлегә шәһәр җитәкчелегендә эшләгәндә, 1992 елда башланган изге эшне дәвам итәчәкбез, дигән карар кылдык.

Проект шактый кыйммәт. Шуңа күрә без эшмәкәрләргә, шәһәр җәмәгатьчелегенә ярдәм сорап мөрәҗәгать иттек. "Мегаполис" һәм "Домкор" төзелеш компанияләре товар бетоны, "ТЭМПО" компаниясе арматура белән тәэмин итә. Кайбер эре бизнесменнарыбыз, шул исәптән православие христианнары да, акча бүлеп бирә, шуның нәтиҗәсендә төзелеш алып барыла һәм мәчет бүгенге көндә шундый халәткә ия. Һәрберебезгә Ходай астында йөрүебезне һәм теләсә кайсы дингә ихтирамлы мөнәсәбәтнең матур сүзләрдә генә түгел, реаль эшләрдә дә күрсәтелергә тиешлеген аңларга кирәк.

"Юлны баручы җиңә" дигән әйтем дә бар. Ә аңа Аллаһы Тәгалә ярдәм итә. Менә шундый кәеф белән эшлибез, төзелә торган башка объектлар белән беррәттән, бу объект онытылмасын өчен эшлибез. Бу мөһим, бик кирәкле рухи объект», - дип ассызыклады Наил Мәһдиев.

 Управление информационной политики и по связям с общественностью.