Чаллы – сигезенче

Чаллы шәһәре  SuperJob сервисы үткәргән  социологик сораштыруда катнашты.  

Яр Чаллы мәктәпкәчә һәм мәктәп белем бирү үсеше буенча икенче урынны алды. Автомобиль юлларын ремонтлау, уңайлы торак алу мөмкинлеге һәм яхшы эш буенча беренче өчлектә тора. Яр Чаллы халкы җәмәгать туклануы өлкәсендә (42 процент), товарлар һәм хезмәт күрсәтүләрнең үтемлелеге (41 процент) үсеш алган дип билгели. Ә менә шәһәрдә югары белем алу мөмкинлеге артта: бу өлкәдә һәр унынчы кеше генә аны яхшы дип бәяли. Сораштырылучыларның 81 процентына Чаллыда яшәргә ошый. Бу 21 урын арасында 8-нчесе.