Чаллы спортчысы Европада уңыш казанды

Мәскәүдә авыр атлетика буенча Европа чемпионаты бара. Ярышларда Европа континентының 361 иң көчле атлеты катнаша. Аларның 182се  ир-ат, 179ы  хатын-кыз. Традиция буенча, спортчылар ыргылыш белән күтәрүдә, этеп күтәрүдә һәм әлеге ике дисциплина суммасында иң көчле атлетларны билгеләячәк.

Ярышларда Россия Федерациясе җыелма командасы составында шәһәребезнең “Төзүче” спорт мәктәбендә тәрбияләнүче Зөлфәт Гәрәев чыгыш ясый. Ярыш нәтиҗәләре буенча 67 кг авырлыктагы спортчылар арасында ул ыргылыш белән күтәрүдә икенче урынны алды.

Фото: sport.tatarstan.ru