Чаллы телевидениесе сайлаулар барышын туры эфирда күрсәтә

Көн дәвамында журналистлар төрле сайлау участокларыннан тавыш бирүләрнең барышы белән таныштырып баралар. Беренче туры эфир Мулланур Вахитов исемендәге 2 нче санлы татар гимназиясеннән булды. Биредә сайлауларның барышы хакында мәктәп директоры Айдар Гарифуллин сөйләде.

Чаллы ТВ телерадиокомпаниясенә туры эфирларны оештырырга яңа заманча җиһаз һәм техник мөмкинлекләр ярдәм итте. Сайлау участоклары ябылганчы тамашачыларга тагын берничә туры эфир аша соңгы мәгълүматны җиткерәчәкләр.