Чаллыда 20дән артык машинаны бәреп киткән ир-ат ике ел руль артына утыра алмаячак

Шул ук вакытта, Татарстан буенча Эчке эшләр министрлыгы мәгълүматлары буенча, бу көнне Чаллыда 25 автомобиль зыян күргән. 

Хокук бозучы таксида рәсми булмаган рәвештә эшләве турында сөйләгән һәм оешма җитәкчелегенең уңай характеристикасын суд эшенә беркетергә сораган. Гаепне исә ир-ат өлешчә генә таныган. Судта исә Ринат Курнаев ул көннең детальләрен начар хәтерләвен белдерде.

– 2 март көнне өемнән 15:00-17:00 сәгать тирәсендә чыктым. Вакытны төгәл хәтерләмим, бик ашыга идем. Мин 59 комплекска МФЦга барырга ниятләдем. Тиз генә автомобильгә барып җиттем, аңа утырдым, кабыздым һәм 2 секунд эчендә полициянең миңа якынлашуын күрдем. Мин ишекләрне ябып куйдым. Туктап тору урыны исә туп-туры минем подъезд каршысында иде. Алар кул богаулары белән машина тәрәзәсенә шакылдаттылар, газ балоннары белән янадылар, миңа чыгарга куштылар. Мин: «Юк», – дидем. Шул вакытта "112" хезмәтен чакырттым, ләкин аларның түземлеге бетәчәген аңладым, ярдәм килеп җитергә җитешмәячәген аңладым, моннан тыш полиция чыгу юлларын япты һәм мин бөтенләй чыгып китә алмасмын дип курыктым. Һәм каты итеп газга басып, китеп бардым. 

Моннан тыш, Курнаев белдергәнчә, аның гамәлләре һәм башы "адекват булмаган", чөнки ул йокламаган һәм 24 сәгать буе ашамаган булган. Нәтиҗәдә суд ир-атны машина йөрү таныклыгыннан 2 елга мәхрүм итте.