Чаллыда 30 августта «Мастеровые» театры яңа бинага күчә

ТР Мәдәният министрлыгының унберенче «Тантана-2022» премиясе беренче тапкыр Чаллыда узды. 

Шәһәр мэры Наил Мәһдиев кунакларны сәламләп: «Бу Чаллы өчен зур вакыйга. Шәһәребез бөтендөньяга машина төзүчеләр, Дакар ярышларында җиңүе белән танылды. Бездә халыкны рухи яктан тәрбияләүгә дә игътибар зур. Мәдәният сарайлары төзекләндерелде, илебез һәм Татарстан Президентларының ярдәме белән татар дәүләт драма театры яңа бинага күчте. Быел 30 августта «Мастеровые» рус драма театрының яңа бинасы тамашачыларны кабул итәчәк. «Россия кече шәһәрләренең театр» фестивале гөрләп узды. Инде бүген Чаллы театры берьюлы республика театрлары вәкилләрен, Татарстанның мәдәни элитасын кабул итте», – диде. Ул иҗат әһелләренә киләчәктә  дә уңышлар теләде.