Чаллыда 36 яшьлек хатын-кызны көчләргә теләгән ир-атны тоткарлаганнар
Узган чәршәмбедә шәһәрнең 38нче комплексындагы йортларның берсе янында электр белән эретеп ябыштыручы хатын-кызга һөҗүм булган.
Чаллыда электр белән эретеп ябыштыручы хатын-кызны көчләргә теләгән ир-атны тоткарлаганнар. Бу хакта “Челнинские известия” газетасы яза.
Хатын-кызга һөҗүм узган чәршәмбедә төнлә шәһәрнең 38нче комплексындагы йортларның берсе янында булган. Ир-ат 36 яшьлек хатын-кызга ташланган һәм көчләргә маташкан. "КАМАЗ"да электр белән эретеп ябыштыручы булып эшләүче хатын-кыз куркып калмаган. Ул бу кешегә каршы тора алган. Аннан соң бу хатын-кыз полициягә мөрәҗәгать иткән.
Бер атнадан соң шикләнелүче ир-ат тоткарланган. Ул шушында яшәүче 27 яшьлек ир-ат булып чыккан. Гаебе исбатланса, аңа 10 елга кадәр төрмә яный.
Следите за самым важным и интересным в Telegram-каналеТатмедиа
Нет комментариев