Чаллыда Башкарма комитет җитәкчесе урынбасары вазифасына конкурс игълан ителде

Башкарма комитет Башкарма комитет җитәкчесе урынбасары (төзелеш, архитектура, җирдән файдалану) муниципаль хезмәтенең вакантлы вазифасына конкурс үткәрә. Конкурс 28 мартта 402 нче кабинетта узачак.

Кандидатларга төп таләпләр: эшчәнлек юнәлешенә туры килә торган югары белем, муниципаль хезмәт стажы кимендә ике ел яисә белгечлек буенча кимендә дүрт ел, вазифалар башкаруга караган тиешле законнарны, норматив хокукый актларны белү.

Конкурска документлар 24 мартның 15:00 сәгатенә кадәр түбәндәге адрес буенча кабул ителә: 423805, Х.Туфан проспекты, 23, 394 нче кабинет.