Чаллыда Дели, Далер, Агиля, Эйлюльләр яши
Пандемия аркасында Чаллыда ике ел рәттән үлем очраклары арта. 2021 елда 6831 кеше вафат булган. Үлүчеләрнең 51%ы – ирләр. Үлем күрсәткече 1000 кешегә – 12,8. Бу республика күрсәткеченнән кимрәк.
Чаллыда 2021 елда 6604 бала туган. Аларның 58%ы никахлы гаиләдә дөньяга килгән. ЗАГС идарәсе башлыгы Равилә Зариповага без сабыйларга күпчелек нинди исемнәр кушалар дип, мөрәҗәгать иттек.
– Чаллыда яңа туган балаларга София, Ева, Милана, Алисә, Тимур, Кәрим, Марк, Самир кебек исемнәр кушалар. Агиля, Дели, Эйлюль, Далер, Алдияр, Нил, Мубин кебек үзенчәлекле исемнәр бирүчеләр дә бар, – дип җавап кайтарды ул.
2021 елда икенче бала алып кайтучылар саны – 41% ка, өченче һәм дүртенчегә баручылар – 23% ка арткан. 3 суррогат әни очрагы да теркәлгән.
72 гаиләдә игезәк сабыйлар дөньяга килгән. Иң зур әнигә – 51, иң зур әтигә 62 яшь булган.
Следите за самым важным и интересным в Telegram-каналеТатмедиа
Нет комментариев