Чаллыда ике сменада эшләүче мәктәпләр саны арта

Яңа уку елында Яр Чаллы мәктәпләрендә парталар артына 67 меңнән артык укучы утырачак. Ике сменада эшләячәк мәктәпләр саны 24кә кадәр артачак. Узган ел алар 22 иде.
"Яңа мәктәпләр төзелүгә карамастан, икенче сменалардан әлегә китә алмыйбыз", - диде август педконференциясендә мәгариф һәм яшьләр идарәсе җитәкчесе Рөстәм Хузин.
Беренче сыйныфларга 8,5 меңнән артык бала барачак, комплектация 5 сентябрьгә кадәр дәвам итәчәк. Беренче сыйныф укучылары саны тагын ике ел артачак, дип ачыклык кертте Хуҗин.
Түрә коррекцион мәктәпләрдә урын җитмәү мәсьәләсен дә күтәрде.