Чаллыда коррупциягә каршы көрәш мәсьәләләре буенча киңәшмә үтте

Семинар-киңәшмәдә катнашучылар алдында юридик фәннәр докторы, профессор, Россия Федерациясе Президенты каршындагы коррупциягә каршы тору советы президиумының эшче төркеме әгъзасы, Россия Федерациясе Президенты Идарәсе каршындагы коррупциягә каршы тору мәсьәләләре буенча Экспертлар советы әгъзасы Павел Кабанов һәм Чаллы шәһәре прокуроры ярдәмчесе Ленара Галимәрдәнова чыгыш ясады.
Павел Кабанов коррупциягә каршы тору чараларын гамәлгә ашырганда системалы якын килүнең мөһимлеген билгеләп үтте, коррупциягә каршы тикшерүләр үткәрү тәртибен аңлатты. Шәһәр прокуроры ярдәмчесе барлык муниципаль хезмәткәрләргә игътибар итәргә кирәк булган өч мөһим мәсьәләне билгеләде: декларация кампаниясенә әзерлек; муниципаль хезмәт белән бәйле чикләүләр һәм тыюлар; элеккеге муниципаль хезмәткәрләрнең эшкә урнашу тәртибе.  

http://nabchelny.ru/