Чаллыда кризиска каршы штаб үз эшен янәдән яңартты

Сәяси-икътисадый хәл тотрыклангач, әлеге штаб эшен туктатты. Шушы көннәрдә ул яңадан эшли башлады. «Һәр кризисның үзенең үзенчәлекләре була. Бүгенге вәзгыятьтә дә  шәһәр җитәкчеләре авырлыкларны киметү өчен мөмкин булганның барсын да эшли. Без ничек эшләргә икәнен беләбез, тәҗрибә бар. Хәзер дә аек акыл белән эш итәрбез. «КАМАЗ» ГАҖның үз заказларын шәһәрнең кече һәм урта эшмәкәрлек предприятиеләренә урнаштыру мөмкинлеге бар», – диде шәһәр мэры Наил Мәһдиев. Ул шәһәр икътисадының барлык кризислар вакытында югары нәтиҗәләргә ирешүен ассызыклады. Быелгы вәзгыять тә искәрмә булмас дигән ышаныч белдерде.