Чаллыда Мариупольдән килүчеләр өчен вакансияләр ярминкәсе уздырыла

Вакансияләр ярминкәсен Чаллының мәшгульлек үзәге оештыра, ул сәгать 9да "Жемчужина" санаториендә үткәреләчәк.

Берничә көн элек Украинадан килүчеләр белән шәһәр башлыгы Наил Мәһдиев очрашкан иде, ул кешеләргә нинди ярдәм кирәклеге турында кызыксынды. Ул вакытта гаиләләр эшкә урнаштыруда булышлык күрсәтүне сораганнар иде.

Сүз уңаеннан, шушы көннәрдә "Мәрхәмәт - Милосердие" хатын-кызлар депутатлар берләшмәсе "КАМАЗЖилбыт" кунакханәсендә булды. Алар Украинадан килүчеләрнең хәлләре белән кызыксынды.