Чаллыда питбайк бәреп киткән 4 яшьлек бала вафат булды

Бүген Чаллының ашыгыч ярдәм күрсәтү хастаханәсендә күптән түгел шәһәр яр буенда питбайк астында калган 4 яшьлек бала вафат булды.
Табибларның тырышлыгына карамастан, баланың гомерен саклап кала алмадылар. Ул беренче көннән алып соңгы көнгә кадәр аңсыз, бик авыр хәлдә булган.
Балага Республика балалар клиник хастаханәсе нейрохирургы Эльза Фатыйхова операция ясаган иде, аны Чаллыга махсус санавиация вертолетында китергәннәр.
Исегезгә төшерәбез, юл-транспорт һәлакәте Табеев яр буеннан ерак түгел 26 августта булды. Бала 16 яшьлек энесе белән урамда йөргән булган.