Чаллыда республиканың балык хуҗалыгы эшчәнлеге нәтиҗәләре каралды

Чаллыда республиканың балык хуҗалыгы эшчәнлеге нәтиҗәләре каралды

Яр Чаллыда Идел-Кама балык хуҗалыгы бассейнының Идел-Кама фәнни һәнәрчелек советы утырышы булып узды. Утырышта балыкчылык буенча Федераль агентлык җитәкчесе урынбасары Василий Соколов, Урта Идел территориаль идарәсе җитәкчесе Вадим Ткачев, Татарстан Республикасы Авыл хуҗалыгы һәм азык-төлек министры Марат Җәббаров катнашты.

Кунакларны Яр Чаллы шәһәре мэры Наил Мәһдиев сәламләде. Ул шәһәрнең социаль-икътисадый үсеше турында сөйләде.

Утырышта 2020 елның 11 аенда балык хуҗалыгы комплексының эш нәтиҗәләре һәм су биоресурсларын саклау буенча табигатьне саклау органнарының эшчәнлеге каралды.