Чаллыда бакчаларга йөрүчеләр арткан

Көн саен Чаллыда 39 маршрут буенча 4700 кеше дачаларга йөри. Бакчачылар саны арткан, шәһәр хакимияте моны эсселек белән бәйли. Хәрәкәт расписаниесен өзү юк, берәр автобус чыкмый калса, автобус йөртүчеләрнең алмашка машиналары бар.

Шунысы да бар: шәһәр автобусларында һәм трамвайларда да пассажирлар саны арткан. Көн саен алар 82 мең кешене йөртә. Әлеге артуны коронавирус чикләүләрен бетерү белән бәйлиләр.

Чаллыда барлыгы көн саен 67 трамвай һәм 249 автобус халыкка хезмәт күрсәтә.