Чаллыда «Татар малае – 2022» шәһәркүләм бәйгесе узды - ФОТОЛАР
«Татар малае – 2022» шәһәркүләм бәйгесенең финалы «Шатлык» яшьләр үзәгендә узды. Бәйгенең шәһәр турында барлыгы 30 малай катнашып, шуларның 10сы – №1, 2, 4, 29, 33, 49, 52, 57, 58, 60 нчы мәктәп укучылары финалга үтте.
Алар иҗади визиткаларын тәкъдим иттеләр, интеллектуаль уенда катнаштылар һәм сүз осталыгында ярыштылар. Һәркемнең иҗади номеры үзенчәлекле иде: берәүнең чыгышы – милли, икенчесенең заманча. Иң мөһиме – чыгышлар төрле, бер-берсен кабатламый торган булдылар.
4 нче мәктәп укучысы 1 урынны яулады, 2 нче гимназия укучысы – 2 урында, 29 нчы гимназия укучысы 3 урынга лаек дип танылды. Калган укучылар төрле номинацияләрдә җиңеп чыктылар. Малайларга мәгариф идарәсеннән дипломнар, кыйммәтле бүләкләр тапшырылды.
Чараны мәгариф идарәсе белән берлектә 14 нче балалар-яшүсмерләр үзәге оештырды.
Следите за самым важным и интересным в Telegram-каналеТатмедиа
Нет комментариев