Чаллыда түбәсенә әйләнгән машина йөртүче зыянны каплаячак

Кичә Чаллының "Пединститут" тукталышы янында ике җиңел машина катнашында авария булуы турында хәбәр иткән идек.

Анда Datsun машинасы яктырткыч баганасына бәрелеп, аны аударды да түбәсенә капланды. 

Автомобиль юллары предприятиесе хезмәткәрләре әлеге багананы урынына куйдылар. Моның өчен машина йөртүчегә милекне бозган өчен зыянны капларга туры киләчәк.

Автомобиль юллары предприятиесе төгәл сумманы әйтми, ләкин аның 100 мең сумнан артмаячагы билгеле. Әгәр гаепле кеше чыгымнарны кайтарудан баш тарта икән, аңа дәгъва белдерәчәкләр.