Проект буенча ул 67 нче микрорайонда барлыкка килергә тиеш, биредә 44 эш урыны булдырылачак.
Шәһәребез елдан-ел үсә. Торак йортлар төзелә, яңа микрорайоннар барлыкка килә. Алар янында яңа мәктәпләр, балалар бакчалары төзелә. Соңгы елларда Чаллыда 6 яңа мәктәп, 20 балалар бакчасы ачылды. Яда елда 67нче микарайонда яңа балалар бакчасы төзелә башлый.
Татарстан Республикасы Инвестицион советы утырышы барышында республика Президенты Рөстәм Миңнеханов шәхси микрорайонда яңа балалар бакчасы төзү проектын хуплады.
«Әлеге балалар бакчасын төзү өчен 8 200 кв. м җир участогы кирәк», - дип сөйләде балалар бакчасы директоры Алисә Харисова. Проект буенча ул 67 нче микрорайонда барлыкка килергә тиеш, биредә 44 эш урыны булдырылачак.
Чаллы мэры Наил Мәһдиев видеоэлемтә форматында шундый социаль мөһим проектларны гамәлгә ашыруга әзер булуын билгеләп үтте: «Шәһәр моннан отачак кына – проектка без ярдәм итәчәкбез! Балалар бакчасы шәхси секторда бик кирәк», - диде ул.
Зөлфия ГАЛИМ. Фото шәһәр сайтыннан алынды
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев