Чаллылылар өченче зат салымнарын түли ала

Башка кешенең теләсә нинди салымнарын, шулай ук пеняларны һәм алар буенча штрафларны түләргә мөмкин. Моннан тыш, агымдагы чор өчен дә, узган еллар өчен дә салымнар буенча бурычларны түләргә мөмкин.

Исегезгә төшерәбез, өченче зат өчен салым түләү 30.11.2016 ел, № 401-ФЗ Федераль закон белән башка затларга рөхсәт ителде, ул Россия Федерациясе Салым кодексының 45 статьясы нигезләмәләренә үзгәрешләр кертте. Юридик затлар шулай ук үз счетларыннан башка оешмалар салымнарын яба алалар, ә җитәкчеләр компаниянең салым бурычларын үз акчалары хисабына түли алалар. Түләүченең башка затның салымнарын түләү сәбәпләре мөһим түгел.

Өченче зат өчен салым түләү тәртибе үзеңнең салымың өчен түләгәндәге кебек үк. Моны теләсә нинди уңайлы ысул белән — акчалата, банк картасы яки исәп-хисап счеты белән эшләргә була.

Өченче зат өчен салым түләү өчен Россия Федераль салым хезмәтенең «Салымнар һәм пошлиналар түләү» электрон сервисыннан файдаланырга мөмкин. «Салымнар һәм пошлиналар түләү» сервисында физик затлар, шәхси эшмәкәрләр һәм юридик затлар өчен аерым бүлекләр бар, әлеге сервис максималь рәвештә автоматлаштырылган һәм үз салым йөкләмәләрен төгәл тутырырга һәм үз вакытында үтәргә, башка физик затлар һәм шәхси эшмәкәрләр өчен салымнарны яки иминият взносларын түләргә мөмкинлек бирә торган мәгълүмати киңәшләр дә бар.

Өченче затлар өчен салым түләгәндә бердәнбер шарт — түләү документларындагы реквизитларны дөрес итеп күрсәтү. Шулай, өченче затлар өчен түләү өчен исәп-хисап документларын рәсмиләштергәндә әлеге затларның мәгълүматларын күрсәтергә кирәк: «ИНН» дигән юлда бурычы үтәлүченең - салым түләүченең ИНН күрсәтелә. Түләүченең - физик затның ИНН булмаган очракта ноль («0») күрсәтелә. «Код» дигән юлда Исәпләүнең уникаль идентификаторын күрсәтергә кирәк. «Түләүче» дигән юлда салым түләү буенча бурычлары үтәлүче физик затның фамилиясе, исеме, әтисенең исеме турында мәгълүмат күрсәтелә.

Өченче затлар өчен салым түләгәндә нюанс бар. Башка кеше өчен түләргә була, тик артык түләүне кем өчен түләгәннәр, шул зат кына кире кайтара яки аны башка салым хисабына күчерә ала. Башка зат өчен түләгән кеше бюджеттан акча таләп итә яки алар белән ничектер эш итә алмый. 

http://nabchelny.ru/ Фото: taxschool.ru