Чаллының дүрт спорт мәктәбе уку елы нәтиҗәләре буенча республикада иң яхшылары дип танылды

Татарстан Республикасы спорт министрлыгы тарафыннан Олимпия резервы спорт мәктәпләре, яшьләр-яшүсмерләр спорт мәктәпләре арасында уздырылган "2019 ел буенча Татарстан Республикасы рейтингы" республика конкурсына йомгак ясалды. Конкурс нәтиҗәләре буенча, олимпия резервының муниципаль мәктәпләре төркемендә беренче дүрт урынны Чаллы спорт мәктәпләре яулады:

1 урын - "Кэмпо" олимпия резервының көрәшләр спорт мәктәбе (ВТФ тхэквондо бүлекчәсе);

2 урын - "Олимпийский" олимпия резервы спорт мәктәбе (дзюдо, йөзү, бокс);

3 урын-олимпия резервының М. Ш. ис. "Витязь" спорт мәктәбе(спорт көрәше бүлеге);

4 урын - "Дельфин" олимпия резервы спорт мәктәбе (йөзү, синхрон йөзү, нәфис гимнастика).