Һәр гаиләгә 1 миллион сум түләнеләчәк.
Яльчик ял итү базасында якыннарын югалткан гаиләләргә матди яктан ярдәм итәчәкләр. Марий Эл Республикасы җитәкчелеге һәр гаиләгә 1 миллион сум түләячәк. Зыян күрүчеләргә 50 мең сумнан алып 500 мең сумга кадәр каралган.
Исегезгә төшерәбез, фаҗига Яльчик ял итү базасында 29 июнь төнендә булды. Җил-давыл чыгып, палатка, машина өсләренә агачлар ауды. Нәтиҗәдә, 8 кеше гомере өзелде. Аларның 3се-балалар. Сабыйның иң кечесенә нибары 2 ай.
Фаҗига көнне Яльчикта җырчы Дилә Нигъмәтуллинаның да гаиләсе ял иткәнлеге ачыкланды. Аларның палаткасына да агачлар ауган. Ире һәм кызының исән калуларын җырчы могҗиза дип саный. Моннан укы.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев