Депутат кадрлар һәм бюджет урыннары мәсьәләсен күтәрде

Ул Чаллы көллиятләрендә бюджет урыннарын арттыру мәсьәләсен үтәрде. 8 000 чыгарылыш сыйныф укучысына 2000генә бюджет урыны бик аз. Бүгенге көндә 17 көллияттә 27 мең студент укый, 10 көллияттә генә бушлай укыту мөмкинлеге бар. Ел саен 9нчы сыйныфтан соң көллиятләрдә укырга теләүчеләр арта. 

Фирдүсә Әюпова ТР Президентыннан укытучыларга ярдәм чараларын, грант түләүне кайтаруда, соципотека буенча фатир алуда, укытучылар өчен балалар бакчаларына ташламалы юллама бирүдә  ярдәм сорады. Бүгенге көндә Чаллының мәгариф системасында 14 мең кеше, шул исәптән 7600 укытучы эшли, аларның 38%ы лаеклы ялга чыгарга әзерләнүче яисә пенсионер. Яңа уку елы башына кадрлар кытлыгы 480-500 кеше.  Әюпова фикеренчә, әлеге мәсьәләне кичекмәстән хәл итәргә кирәк. ТР Президенты бу мәсьәләне контрольгә алырга кушты.