Диләрә Гәрәева: «100 сумга 5 солдатны ютәлдән коткарырга була!»

Диләрә Гәрәева - хәрби медикларга ярдәм максатыннан “За жизнь” төркемен оештыручы. Ул бертуган апасы Лилиана Клементьева белән бергәләп медицина батальонына кирәк-яраклар туплый, аннары илтеп бирә. 5нче июль көнне Диләрә ханым бу юнәлештәге 13нче сәфәреннән кайтты. Бүгенге “Җиңү армиясенә кушыл!” марафоны кысаларында аның белән туры эфирда әңгәмә кордык. 
- Эшебездә иң авыры – ярдәм җыюның кирәклеген кешеләргә аңлату, ди әңгәмәдәшебез. Кайберәүләр зур сумма белән ярдәм итә алмый. “Минем 100 сумымнан ни файда?” диючеләр бар. Ә мин аларга сатып алынган, озатырга әзерләнгән дарулар мисалында җавап бирәм. 100 сумга 5 солдатны ютәлдән яки томаудан коткарырга була. Бер меңгә рота була бит ул! 

Диләрә ханым белән әңгәмәне ВКонтакте төркемебездән карый аласыз.