Дуңгыз гриппы килә

Дүшәмбе киңәшмәсендә шәһәрнең баш санитар табибы Илгизәр Бариев гриппның куркыныч төре көтелүен әйтте. «Фаразлар буенча H1N1 – дуңгыз гриппы көтелә. Ул кеше өчен дә куркыныч тудыра. Әлеге катлаулы чир 2009 елда булган иде. Шуңа күрә беренче чиратта 65 яшьтән өлкәннәр, йөкле хатыннар һәм балалар вакцина ясатырга тиешләр. Бу алар өчен генә түгел, туганнары һәм гаиләләре өчен дә мөһим», – диде табиб.

Сүз уңаеннан, шифаханәләрдә ковид һәм гриппка каршы вакцина ясатып була. Махсус бригада вакцинаны хезмәт коллективларына да барып ясый. Бүгенге көндә йогышлы авырулар хастаханасендә, ашыгыч медицина ярдәме күрсәтү хастаханәсендә һәм 2нче хастаханәдә барлыгы 200гә якын кеше ковидтан дәвалана.

фото: https://infosmi.net