"Ел җиңүе" - "Наиком Экстрим" техник спорт төрләре стадионы

Автокала янында быел уникаль трасса төзелде, аның аналоглары дөньяда юк. “Халык мондагы хәрәкәтне күргәч, шаккатты. Бу искиткеч тамаша! Шәһәрдә яшәүчеләр дөнья дәрәҗәсендәге тамашаны күрә алсыннар иде”, - ди проектны гамәлгә куючы Наил Хуббатуллин. Әҗмәкәй авылы янында төзелгән яңа тректа беренче ярышлар 8 һәм 9 августта уздырган иде. Хуббатуллиннан тыш, уникаль объектны төзүдә Татарстанның күп кенә эшмәкәрләре катнашты. “План буенча территориядә биш трасса эшләнгән.  Ләкин моның белән чикләнеп калмыйча, биредә Фристайл өчен трасса, эндуро-парк, триал паркы, мотобол һәм гар юлы барлыкка киләчәк. Классик мотокросс трассасының озынлыгы, кагыйдә буларак, 1 400 дән 2 200 метрга кадәр. Ә яңа мототрасса озынлыгы -1 600. Шунысында әйтергә кирәк, тамашачылар өчен трибуналы мотокросс трассасы беркайда да юк, шуңа күрә безнеке дөньяда уникаль трассаларның берсе”, - ди Наил Бастамович.

Яңа мотокомплексның тагын бер фишкасы — Россиядә беренче балалар трассасы. Биредә физик мөмкинлекләре чикле балалр өчен хәйрия чарасы үткәрелде. Шунысы да кызыклы, трасса кышын да эшли: монда тюбинг паркы, сноу-кросс һәм сноу-парк оештырылды, анда сноуборд һәм тау чаңгыларында шуып була. Шулай ук,  кафе, ашханәләр ачылды һәм спорт-кунакханә эшли башлады. ТАССРның 100 еллыгына багышланган чемпионат һәм Россия чемпионаты этабын тамашачылар старт алды узышларыннан башка тулы канлы ярышлар белән хозурланды.  Ә узышка “МатчТВ”тан Дмитрий Губерниев һәм мотокроссның танылган комментаторы Владимир Виталин аңлатма бирде.