Һәрвакыт игътибар үзәгендә булган Элвин Грей белән Гөлназ Асаева хәзерге вакытта икесе дә хастаханәдә дәвалана. Ничек бергә туры килгәннәр? Гөлназ Асаева Intertat.ru хәбәрчесенә менә нәрсә дигән:

"Вакытында чарасын күрмәдем, температура белән йөреп өзлектем, хәзер хастаханәдә дәваланырга туры килә. Башта укуга барам, аннары хастаханәгә килеп, система һәм уколлар алам. Температура чак төште. Радик та Уфада, әмма ул башка хастаханәдә ята. Ялгышмасам, кардиология бүлегендә. Хәлләр белешеп, аралашып торабыз. Икебезнең дә хастаханәгә эләгүебез сөйләшенгән кебек килеп чыкты шул".