Эстраданың тагын ике артисты өйләнешә

Татарстанның атказанган артисты Флорит Гыйздәтуллин җырчы Рүзилә Булатовага тәкъдим ясаган. 

“Ул “Әйе!” дип җавап бирде”, - дип язган Флорит социаль челтәрдәге видео астына. Роликта күренгәнчә, Флорит Рүзиләне төнлә кар мотоциклы белән урманга алып бара. Ә анда кызны сюрприз көтә - инглиз телендә "чык миңа!" дип язылган утлы хәрефләр белән салют. Флорит Рүзиләгә чәчәк белән йөзек бүләк итә.

Билгеле булганча, Флорит - Татарстанның атказанган артисты Алсу Гыйздәтуллинаның ире иде. Аларның уртак балалары бар, дип яза https://shahrikazan.ru.

фотолар: җырчыларның шәхси аккаунтларыннан