Ф. Табеев исемендәге яр буе ничек үзгәрәчәк?

Быел Ф. Табеев исемендәге яр буе дәвамын тәртипкә китерә башладылар. Аерым территориядә шәһәр халкы өчен ял итү урыны ясала башлады. Шәһәрнең баш архитекторы Мәликә Шәмсиева әйтүенчә, хәзерге вакытта Казан архитекторлары реконструкциянең икенче этабы өстендә эшли. Проект буенча биредә иркен җәяүле һәм велосипедчылар юллары салу, бердәм стильдәге сәүдә объектлары булдыру күздә тотыла. Моннан тыш, су скутеры, кайтинг белән шөгыльнәнүчеләр өчен дә уңайлыклар тудырылачак. Кызынучылар өчен пляж ясалачак.