Фирдүс Тямаев үз фанатларын августта Чаллыга чакыра

12 августта Чалллыга ТР атказанган җырчысы Фирдүс Тямаев килә. Бу хакта ул үзенең социаль челтәрләрдәге аккаунтында хәбәр итте. “Хәерле көн дуслар. Сезнең белән Чаллыда кич мәйданда очрашканга кадәр”, - ди җырчы. 

Мәгълүм булганча, бу көнне автокалада Төзүчеләр көнен бәйрәм итәчәкләр. Ул традицион рәвештә Яр буе паркы мәйданында үтәчәк. Аның кысаларында тармак ветераннарын, алдынгы төзүчеләрне хөрмәтләү, концерт программасы оештыру күздә тотыла.