«Гараж-500»дә чыккан янгында зыян күргән эшмәкәрләр салымнан азат ителде

Бүген шәһәр советының чираттагы сессиясе булды.

Анда башкарма комитет җитәкчесе урынбасары, финанс идарәсе башлыгы Светлана Мөлекова 2 декабрьдә «Гараж-500»дә зыян күргән эшмәкәрләргә ярдәм турында карарны раслауларын сорады.

Депутатлар янгын аркасында зыян күргән эшмәкәрләрне физик затларның мөлкәтенә һәм җиргә аренда салымыннан азат итү турындагы карарны бертавыштан расладылар.

Шәһәр мэры Наил Мәһдиев янгыннан зыян күргән шәһәрдәшләргә ярдәм итәргә кирәклеген ассызыклады.
Башкарма комитет җитәкчесе Фәрит Сәлахов әйтүенчә, бүгенге көндә 41 эшмәкәр еллык 1 процент белән барлыгы 136 млн сум кредит алган.