60 яшьлек ир-атны психиатрия стационарына җибәрделәр
Тукай районында яшәүчене шартлаткыч матдәләрне законсыз саклаган өчен психиатрия стационарына мәҗбүри дәвалауга җибәрделәр. Деменция билгеләре булган 60 яшьлек ир-ат әлеге куркыныч матдәләрне үз гаражында тоткан.
Эш материаллары буенча, ул төтенсез нитроцеллюлоза дарысын 2006 елда ук сатып алган - ул вакытта аның рөхсәте булган. Рөхсәт вакыты тәмамланганнан соң, фигурант аны озайтмаган.
Тукай районы прокуратурасы хәбәр иткәнчә, суд-психиатрия экспертизасы ир-атта деменция билгеләрен ачыклаган.
Суд, дәүләт гаепләве фикере белән килешеп, ир-атны җинаять җаваплылыгыннан азат итте һәм гомуми типтагы психиатрия стационарына мәҗбүри госпитализацигә җибәрде.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев